Elbira
Sinopsia
Baleuko ekoiztetxeak sortutako lana da Elbira, hainbat adituren eta haren gertuko kideen eskutik Zipitriaren bizitzako gertaeretan eta herriari egindako ekarpenean sakondu duen dokumental fikzionatua.
XX. mendean Gipuzkoak eta Euskadik izandako erreferente eta ikur handienetakoa da Elbira Zipitria eta haren oroimena finkatzeko leiho berri bat ireki nahi izan dugu.
Francoren diktadurapean, euskararen eta euskal nortasunaren sugarra bizirik mantendu eta belaunaldi berriei transmititzea lortu zuen Zipitriak. Bere etxe-eskolako jardunean Europako abangoardian ziren pedagogiak baliatuz eta andereño berriei erakutsiz, euskarazko irakaskuntzari bidea ireki zion eta ikastolen mugimenduaren hazia erein zuen.
Euskal gizarteak oso sakon barneratua dauka memoria historikoa lantzea eginbeharreko ariketa dela. XXI. mendeko Gipuzkoa eta Euskal Herria ez bait da egun batetik bestera eraiki. Andereñoen andereño izan zen Elbirari buruzko lan honen aurkezpenaren ondoren, zuzenean ezagutu zuten pertsonek bat egin zuten “sinesgarritasun handidun lana ikusi berri zutela esatean eta emozioen zirrararekin gozatu zutela.”
