Daniela forever

Sinopsia

Bizitzak zentzu guztia galtzen du Nicolasentzat Daniela neskalagunaren galerarekin. Egun batean, bere ametsak kontrolatzeko aukera emango dion entsegu kliniko batean parte hartzera gonbidatzen dute. Orain Nicolasek Danielarekin amets egin dezake gauero eta bere harremanari ekin, inoiz baino idilikoagoa. Ametsetan bada ere. Eta bertan betiko galtzeko arriskuan.

Sariak

2024: Sitgeseko Zinemaldia: Film Onenaren Izendapena.

Kritikak

“Bikaina formatu laburrago baterako. Baina, luzera begira, filmak bere buruari buelta gehiegi ematen dion sentsazioa ezartzen da. Agian jokoaren parte da, baina nekagarri samarra da.”
Philipp Engel: La Vanguardia egunkaria

“Vigalondok bere kabuz egiten du hegan, beste behin ere, artea, ametsa eta dolua modu liluragarrian elkarri eskua ematen dioten istorio bat kontatzeko, narratiba kolokan jartzen duten birak egon arren.”
Raquel Hernández Lujan: Hobby Consolas

“Drama erromantiko irudimentsu eta ilun bat, non amets bat amesgaizto bihurtzen den astiro”
Jourdain Searles: IndieWire

“Doluaren eta obsesioaren erretratu emozional bat (…) ahuldu egiten da gutxi garatutako narratiba baten ondorioz. (…) Akatsak akats, ikusmen-ikuspegi ausartagatik eta Goldingen interpretazioagatik nabarmentzen da filma (…)”
Tania Hussain: Collider