BAKE LEHORRA

Sinopsia

1872ko maiatzaren 24an, Amorebietan, Serrano Generala eta Orue Diputatua bakea negoziatzen ari dira, amultasun diplomatikoaz gozaturiko giroan; piramide sozialean apur bat beherago, ateaz bestaldean, alde biotako ofizialak (karlista eta liberala) politikarien segurtasuna babesten dute, elkarren arteko gorrotoa eta mesprezua aireratzen duten bitartean; gizarte eskalan beherago, Morgako kanpaleku karlista batean, karlistak soldadu liberal bat afusilatzera doaz, baina exekuzioa eteten da, bake-itunaren emaitza argitu arte; une hartan bertan, bederatzi legoatara, Oñatiko kanposantuan, bi nekazari negarrez ari dira, haur baten hilobiaren aurrean, liberal eta karlisten arteko liskarraldi batean irtendako bala galdu batek hildako haurra; inork ez daki bala zein aldetik irten zen.
Eszena hauek guztiak tartekatu eta kateatzen dira narrazioan. Zenbat eta gorago joan gizarte mailan, handiagoa da sarraskian duten erantzukizuna. Zenbat eta beherago joan, handiagoa da sarraskiak sortutako sufrimendua. Handiagoa erremina eta gorrotoa.

FITXA ARTISTIKOA

• Egile eta Zuzendaria: Patxo Telleria
• Aktoreak: Aitor Borobia eta Aitor Fernandino
• Gune sonoroa: Adrian Garcia de los Ojos
• Jantziak: Nati Ortiz de Zarate
• Argiztapena: David Rodriguez
• Ekoizpen exekutiboa: Pio Ortiz de Pinedo eta Myriam Garzia
• Ko-ekoizlea: Amorebieta-Etxano Udala.
• Entitate Kolaboratzailea: Koopera