Eusko Jaurlaritzak covid-19aren zabalpena eteteko indarrean jarri duen itxiera perimetrala dela-eta, Bergarako Udaleko Kultura Sailak ondorengoa erabaki du:

• Antolatuta dituen kultura-ekitaldien aurrean Bergaratik kanpokoek sarrera erosia duten kasuetan, sarrera horien itzulketa eskatzeko aukera ematea.
• Sarreren itzulketa eskatzeko azken egunak honokoak izango dira:
  • Urtarrilaren 27ra arte, ondorengo sarrera erosia dutenek:
    • Gu primer emanaldia
    • Losersantzerki-emanaldia
    • Urtarrilaren 31 eta otsailaren 1eko zine-saioak
    • Otsailaren 3ko zine-klub saioak

• Otsailaren 1era arte, ondorengo sarrera erosia dutenek:
  • Olatz Salvadorren kontzertua
  • Erbia eta dortoka umeen antzerki-emanaldia
  • Hodei magoaren Ezinezkoaren logika emanaldia
  • Pirritx, Porrotx eta Marimototsen Amaren intxaurrak saioa
  • Iñauteriak bizi emanaldia
  • Idoia kontzertua
  • Emon taldearen kontzertua
  • Otsailaren 7tik aurrerako zine-saioak
  • Otsailaren 10etik aurrerako zine-klub saioak

• Sarreren itzulketa eskatzeko mezu elektronikoa bidali beharko da kultura@bergara.eus helbidera, sarrerak erositakoan norberaren emailean jasotako erosketa-konfirmazioaren mezua birbidaliz, eta horretaz gain, mezuan bertan sarrerak itzultzeko eskatu eta ondorengo informazioa eman beharko da:
  • Izen-abizenak
  • Zein emanalditako sarrerak itzuli nahi diren, eta zenbat sarrera diren.
• Urtarrilaren 27an itzulitako sarrerak urtarrilaren 28an jarriko dira berriro salgai bergararrentzat, eta otsailaren 1ean itzulitako sarrerak otsailaren 3an.

Aldez aurretik, mila esker

Kultura Zerbitzua

2021eko urtarrilaren 25a