SAMSARA

Sinopsia

Luang Prabangeko tenplu budistetan dozenaka nerabe bizi dira. Mutil horietako batek adineko emakume bati irakurtzen dio Thödol bardoa, hil aurretik pertsonei irakurri behar zaien testu bat, harantzago orientatzeko gida gisa balio baitu. Andre zaharra hil egiten da eta bere izpirituari laguntzen diogu zentzumenen zeharkaldi batean, hurrengo gorputzean berraragitu arte: Tanzaniako kostaldeko herri bateko antxume bat, non arrantzale familia batekin haziko den.

Sariak

2023: Berlingo jaialdia: Epaimahaiaren sari berezia ex aequo (Encounters saila)
2023: Valladolideko Zinemaldia – Seminci: Film Onenaren Saria – Urrezko Espiga.
2023: Forque sariak: Dokumental onenaren sarirako izendatua.
2023: Feroz sariak: Feroz Arrebato ez-fikziorako izendatua (Sari Berezia).

Kritikak

“Heriotzarako eta berraragitzerako igarobide eder eta harrigarria (…) Argian eta kolorean murgiltzeak (…) gogorarazten digu, film eder eta ezohiko honek bezala, benetako arteak objektua gainditzen duela esperientzian berraragitzeko. “
Elsa Fernández-Santos: Diario El País