Kaixo, Frida
Martxoaren 8ko programazioaren baitan, emanaldi honetako sarrera debalde izango da. Gonbidapenak egun berean, 16:00etatik aurrera, eskatu eta jaso beharko dira Seminarixoko leihatilan.
Sinopsia
Ezberdina den neskato baten istorioa da. Bere mundua Coyoacán da, Mexiko Hiria. Txinpartatsua, dena interesatzen zaio, eta zailtasunak sortzen direnean, irudimen handi batekin egiten die aurre. Neska honek Frida Kahlo du izena.
Kritika
“Frida Kahloren haurtzaroari buruzko animazio eder hau, koloretsua eta emozionalki hunkigarria, margolari distiratsu eta irudi historiko baten bizitzari egindako omenaldi ederra da”
Monique Jones: Common Sense Media
“Istorioaren izaera episodikoaren bidez telebista-jatorria agerian uzten duen ibilbide horretan, emakumeen ahalduntzeari, emantzipazioari eta erresilientziari buruzko ohar nabarmen samarrak agertzen dira.”
Ezequiel Boetti: OtrosCines.com
“Emaitza sentikorra da, atsegina, edukia du, familiarentzat gozagarria da eta haurrengan irakaskuntza bat uzten du. (…)”
Pablo De Vita: La Nación egunkaria
